Ѓоковиќ, сепак, отпатува во Мајами – не да игра тенис туку да ужива на плажа (ФОТО)

18 март 2024 - 13:41

Најдобриот тенисер на светот, Новак Ѓоковиќ, ненадејно се појави во Мајами, иако претходно објави дека нема да игра на мастерсот во Флорида (20-31 март).

Фотографите го „уловија“ Србинот како ужива на најпознатата плажа во овој град. Тој беше во друштво на својот тим, па камерите го уловија и Карлос Гомез-Ерера, тим менаџерот и спаринг партнер, но и уште едно момче чиј идентитет не е познат.

Тој беше во и во Лос Анџелес со Ѓоковиќ, па се претпоставува дека и тој е дел од тимот. Српскиот тенисер сега се подготвува за сезоната на земјена подлога, која за него ќе почне на 7 април во Монте Карло, а ќе кулминира со „Ролан Гарос“.