Алкараз ја топи предноста на Синер, Ѓоковиќ остана петти на АТП-листата

14 април 2025 - 08:33

Шпанскиот тенисер Карлос Алкараз минатата недела го освои мастерсот во Монте Карло за првпат во кариерата, откако го совлада Лоренцо Музети и така освои нови бодови со кои се искачи на второто место на АТП-листата.

Алкараз во моментов има 7.720 бодови и успеа да ја намали предноста на италијанскиот тенисер Јаник Синер, кој останува на врвот со 9.930 поени.

На третата позиција се наоѓа Александер Зверев со 7.595 бода, додека во топ-5 се уште и Тејлор Фриц со 5.280 и Новак Ѓоковиќ со 4.120 бодови.

Фото: EPA PHOTO