Реал ја одреди иднината на Модриќ, навивачите можат да бидат задоволни

02 мај 2024 - 09:45

Цела сезона се зборува за можното заминување на Лука Модриќ од Реал, по 12 години поминати во клубот.

Шпанските медиуми сега тврдат дека ситуацијата во меѓувреме се променила и дека претседателот Флорентино Перез нема ништо против, хрватскиот ас да остане барем уште една сезона. Со тоа се согласува и Карло Анчелоти, но и соиграчите на Модриќ кои исклучително го сакаат и почитуваат 38-годишниот плејмејкер. Оваа сезона тој добиваше помала минутажа и често беше несреќен поради тоа, но сега ја прифатил таквата улога и нема против да влегува во игра по потреба и да биде во функција на тимот.

Со Модриќ се врзани најголемите успеси на тимот во новиот милениум, откако тој дојде, Реал освои пет титули во Лигата на шампионите и чекори кон шестата и секако неговото име ќе биде запишано како една од легендите на клубот.