НБА жестоко го казни соиграчот на Јокиќ за бесот искажан по вториот пораз од Минесота (ВИДЕО)

08 мај 2024 - 09:26

Тимот на Денвер нагетс ги загуби првите два натпревари на домашен терен против Минесота тимбервулфс од полуфиналната серија на Западната конференција, на кои канадскиот кошаркар Џамал Мареј воопшто не импресионираше, а особено потфрли во вториот натпревар.

Канаѓанецот им покажа на судиите дека се платени, им се впушти во лице и аплаудираше по контроверзните одлуки, а потоа фрли парче медицинска опрема кон еден од тројцата судии, предмет кој ја подобрува циркулацијата и испраќа крв до делот од телото на кој е прикачен. Затоа, НБА реши жестоко да го казни. Иако имаше индикации дека Мареј може да биде дури и суспендиран, сепак казната за бекот на Денвер ќе биде само парична и тоа дури 100.000 долари.

Канаѓанецот на првите два меча меѓу Денвер и Минесота на теренот мина 70 минути и за тоа време постигна само 25 поени, со исклучително слаби проценти на шут. Погоди 7/24 за два поени, додека за три имаше само два погодени од осум обиди.