Поранешниот тренер на Вардар прими 50 гола од Барселона!
Барселона го распарчи Валјадолид со 50-24 за да му го нанесе вториот пораз во новата сезона во шпанската АСОБАЛ-лига, а Блаж Јанц и екс-вардарецот Лука Циндриќ беа најефикасни на мечот, постигнувајќи заедно 14 гола (по седум), а Дика Мем даде шест гола за победничкиот тим.
Стартот на мечот не навестуваше дека Барселона до толку ќе ја демолира четата на Писонеро, откако гостите се држеа на гол негатива (6-7) и потоа им се случи катаклизма. Барса направи серија 7-1 до средина на првиот дел и со тоа играта на Валјадолид се распадна, а разликата потоа само се зголемуваше до убедливи плус 26 за Каталонците.