Парондо со Египет го освои Африканскиот шампионат

26 јануари 2020 - 19:45

Поранешниот тренер на европскиот шампион Вардар, Роберто Парондо успеа да го освои Африканскиот шампионат со Египет, откако во финалето го совлада Тунис со 27-23.

Египет имаше добар старт на мечот против Тунис, па уште по првото полувреме беше јасно дека ќе бидат блиску до златниот медал, откако на паузата заминаа со 15-11.

Во второто полувреме повторно се водеше голема битка на теренот меѓу двете селекции, но избраниците на Парондо успеаа да ја одржат предноста до крајот и да триумфираат со 27-23.

Во финишот од мечот се случи и мал прекин бидејќи навивачите фрлаа предмети на теренот.