Митревски ја „спушти ролетната“ на голот на Порто

21 септември 2020 - 20:50

Македонскиот репрезентативен голман Никола Митревски имаше неверојатен настап на голот на Порто против тимот на Маиа Исмаи.

Митревски имаше дури 20 одбрани, но и период од 18 минути во кои не прими ниту еден погодок. Порто славеше со убедливи 31-12 на гостински терен. Нашиот репрезентативец очекувано беше прогласен и за најдобар играч на натпреварот, односно МВП.

Митревски ова лето пристигна во Порто, откако изминатите две сезони бранеше за Еурофарм Пелистер. Тој има искуство во португалскиот ракомет, бидејќи претходно беше и на голот на Бенфика.