Коралес заработи бизарна повреда, Штербик ќе добие повик од Шпанија!?

18 јануари 2019 - 19:46

Шпанската селекција може да доживеаа промена на голманската позиција, откако Родриго Коралес на денешниот тренинг беше повреден по пад на билборд.

Тоа се случило на крајот на тренингот и сега Коралес треба да оди на медицински прегледи. Доколку се покаже дека расекотината на левата нога е проблематична, тогаш Шпанците ќе мора да го повикаат поранешниот голман на Вардар, Арпад Штербик.

Шпанија во следните натпревари треба да игра против Франција, Германија и Бразил во втората фаза од Светското првенство во Германија и Данска.