Раул: Да бидеме искрени - толку можевме со Исланд!

17 јануари 2019 - 20:21

Раул Гонзалес се обиде да го надмудри својот колега од исландската клупа, но не успеа. Македонија загуби со 22-24 и покрај тоа што момците се бореа до последно.

Македонскиот селектор вели дека репрезентативците се умориле од жестоките физички дуели со Исланѓаните, дека во второ полувреме се обидувавме, но - толку можевме вечерва против Исланд.

„Беше тешко за нас, игравме 100 проценти во првото полувреме, бевме одлични, но во вториот дел се изморивме во дуелите со нивната цврста одбрана. Да бидеме искрени, тие беа подобри од нас денеска. Се обидовме да ја минеме групата, но не успеавме. Пробавме со седум на шест, потоа и со шест на шест, имавме шанса до самиот крај благодарение на одбраната и на одличниот Борко, но и тоа не беше доволно“, рече Раул.