Ракометарките ја совладаа Италија за крај на турнеата во Турција
Иако преполовена, без неколку интернационалки, Македонија ја совлада Италија со 29-24 во одлично второ полувреме.
Во првиот дел избраничките на Симе Симовски губеа со 13-15, но со одлична одбрана во второто направија пресврт до комотна победа.
Сара Ристовска и Елена Ливриниќ беа најефикасни со по шест гола, Теодора Керамичиева постигна пет. Ова беше трет натпревар, по ремито и поразот од репрезентацијата на Турција.
Сега црвено-жолтата експедиција ќе се враќа веднаш назад, за утрешниот прв официјален собир, во 18.30 во „Кале“.
Се очекува да се приклучат и ракометарките кои играат во странство и полека да се комплетира тимот пред почетокот на евро-квалификациите. В четврток ѝ гостуваме на Шведска, в недела ја пречекуваме Србија.