Натурализиравме Србин: Веќе не се чувствувам како странец во Македонија!
Левиот бек на Металург, Михајло Младеновиќ, дебитира за репрезентацијата на Македонија, на турнирот во Бугојно. Во нивните години не е чудо некој да дебитира за национален тим, но специфичното за Михајло е тоа што тој е роден во Врање. Пред три години беше повикан од Металург на проба, се вклопи во втората екипа, а оваа сезона доби статус на првотимец. Имаше шпекулации дека ќе „стане Македонец“, а сега во Бугојно дебитира за нашата кадетска селекција.
„Веќе долго сум во Македонија, трета година. Целосно се вклопив, Врање е по менталитетот како во Македонија. Не ми требаше долго да се вклопам, добро сум прифатен и воопшто не се чувствувам како странец. Можам да кажам дека сум задоволен, засега.“, изјави Младеновиќ во Бугојно, за порталот Балкан-хендбол.
Тој е врањанец, кој има македонски корени и македонски пасош. Ова не е единствен случај во Металург да игра некој од Врање. Покрај Младеновиќ, сино-бели станаа од мали нозе браќата Стефан и Лазар Додиќ, сепак, тие направиле чекор кон нашиот национален тим.