Македонија ги дозна ривалите во разигрувањето за пласман на Медитеранскиот шампионат

19 февруари 2020 - 20:41

Македонските ракометари до 18 години не успеаа да се пласираат во четвртфинале на Медитеранскиот шампионат, откако ја завршија групната фаза со четири порази, едно реми и една победа, па сега ќе разигруваат за пласман од 9 до 14 место, а познати се и ривалите.

Македонија најпрво ќе се соочи со Грција на 20 февруари од 10.30 часот, по што следи меч против Саудиска Арабија на 21 февруари од 10.30часот, а последниот меч ќе се игра против Кувајт на 22 февруари од 10.45 часот.

На табелата за разигрување лидер е Грција со 10 бодови, по што следи Македонија со 6,5, Мароко има 6, С. Арабија 4,5 бодови, Турција има 2,5 и последно место е Кувајт со само 0,5 бодови.