Белорусија ја преслуша Чешка и ѝ го скрати сонот за ЛОИ
Токму поради овој триумф на Белорусите, сега местото во Олимписките квалификации е реалност за оваа селекција.
Белорусите започнаа одлично, реализираа речиси се што им се укажа, а резултатот најчесто беше израмнет во првиот дел. Здрахала одлично го почна вториот дел и со два гола го изедначи резултатот, а потоа следеше игра гол за гол, се до серијата на Николенкау и 22-20 за Белорусија на средина од вториот дел. Со головите на Кашпарек, Чешка повторно израмни на дванаесет минути до крајот на натпреварот, а вистинска драма беше видена во финишот од мечот. Никуленкау ја презеде одговорноста и погоди за 25-23 на пет минути до крајот, а тоа се покажа и како клучен момент на оваа средба.
Најефикасни во победничкиот состав беа Ваилупау со шест и Каралек, Јуринок и Никуленкау со по пет гола, а кај Чешка се истакна Здрахала со седум погодоци.
Попладнево се играат уште натпреварите Германија – Хрватска и Австрија – Шпанија во рамките на виенската група.