Вардар отиде ослабен во Запорожје, на еден ракометар не му даваат украинска виза!
За мечот против Мотор, Вардар ќе биде ослабен дополнително, затоа што голманот Калифа Гебдан не можеше да отпатува. Причината е сложената процедура која била потребна за добивање виза на алжирски државјанин. Поради тоа останува во Скопје, а голманскиот товар ќе падне врз младиот Марко Кизиќ и, се разбира, врз новодојдениот Артурс Кугис. Мегутоа, тој се жалеше на здравстрени проблеми пред неколку дена, поради тоа и не настапи против Пекинг спортски универзитет, сепак, од клубот не го истакнаа како проблематичен за утрешниот дуел.
Не отпатуваа ниту Стојанче Стоилов и Жозе Толедо, кои и понатаму закрепнуваат по операциите на колената, а свежо повреден е Сташ Скубе. Словенечкиот плејмејкер исто така не настапи со Пекинг во вторникот, но проблемот датира отпосле, на еден од последните тренинзи на Вардар.
Дури и со ослабена екипа, Давид Писонеро има победа за императив, бидејќи ова е првиот вистински, официјален тест за силата на Вардар. Мотор не само што ќе биде сериозен, нов противник во СЕХА-лигата, туку е ривал од кого ќе бараат поени и во групата од Лигата на шампионите, така што важно ќе биде да се види до каде е Вардар.
„Ова ќе биде прв сериозен тест за Вардар, совршен натпревар за гостување во СЕХА-лигата против многу добар ривал. Ако сакаме добар резултат, треба да дадеме се од себе. Трениравме напорно и мислам дека ни требаат квалитетни натпревари. Мислам дека играчите и екипата се подготвени за вакви натпревари и со нетрпение чекаат да излезат на теренот.“, вели шпанскиот тренер, за клупската веб-страница.