Томовски му донесе реми на Лудвигсхафен, Пешевски со пет гола го наполи Лајпциг

29 октомври 2020 - 20:59

Македонските ракометари денеска беа во акција во германската ракометна Бундеслига. Искусниот Жарко Пешевски постигна пет гола во триумфот на Штутгарт против Лајпциг од 30-24, додека Мартин Томовски бранеше во ремито на Лудвигсхафен (27-27).

Штутгарт играше добро од самиот старт на мечот, а Лајпциг неколку пати успеа да израмни, но во самиот финиш екипата на Пешевски поведе со 15-12.

Пешевски и неговите колеги беа сигурни и во второто полувреме и постојано ја зголемуваа предноста, која на крајот изнесуваше шест голови (30-24).

Македонскиот ракометар одигра солиден натпревар и постигна пет голови од седум удари кон противничкиот гол.

Томовски не блескаше на голот на Лудвигсхафен бидејќи имаше само 27% на одбранети удари, односно одбрани девет шута од 33 испратени кон неговиот гол, но тоа сепак беше доволно за да му донесе бод на неговиот тим.