Рајн-Некар го згази Кристијанштад, Талески ја искористи укажаната шанса
Филип Талески беше стартер на овој натпревар и, всушност, ги постигна првите два гола на мечот. До крајот остана на нив, иако се обиде уште четири пати, неуспешно. Рајн-Некар имаше комотна предност уште во првиот дел, кој го доби со 18-14, а во вториот се одлепи и на плус 10. Најефикасен беше Србинот Богдан Радивојевиќ со девет од десет, а голманот Андреас Паличка запиша 13 одбрани.
Германскиот вицепрвак сега собра шест бода и, барем привремено, се изедначи со Барселона, со по шест бода, на втората и третата позиција, зад Вардар со осум кој е прв. Натпреварите во оваа група А ќе продолжат в сабота со натпреварите Мешков Брест - Барселона и Монпелје - Веспрем, додека в недела Вардар му гостува на Кјелце во 17 часот.