Почина селекторот кој прв ја предводеше Македонија на едно големо натпреварување!

11 јануари 2021 - 22:51

Човекот кој ја предводеше македонската ракометна репрезентација до седмата позиција на Светското првенство (СП) во Германија во 1997 година, Богдан Маковеј почина денеска на 67-годишна возраст во Романија.

Маковеј е првиот селектор кој ја предводеше Македонија на едно големо натпреварување, а се запиша во историјата со големиот успех, кој не беше единствен за него затоа што беше успешен и на кормилото на Кометал Ѓорче Петров и Пелистер.

Екипата на Кометал на чело со Маковеј стигна до четвртфиналето во Лигата на шампиони, а исто така искусниот селектор во сезоната 2001/02 како тренер на Пелистер стигна до финалето на ЕХФ Челинџ Купот.