Пешевски: Игравме како семејство, публиката нѐ водеше 60 минути!

Пешевски кој натпреварот го заврши со седум гола истакна дека клучна за победата била тимската игра и атмосферата која ја имале во тимот во претходните денови.

„Едноставно овие неколку дена живевме како едно семејство, знаевме дека имаме атмосфера која мораме да ја искористиме, овие 4.000 грла нѐ водеа 60 минути, Максимално ја почитувавме тактиката и договорот, среќата ја заслуживме и ги освоивме бодовите. Секоја чест за Сегед, но денеска ние имавме свој ден. Не се предавме, кој и да паднеше доле, тука беа други две три раце, игравме како едно семејство и тоа ни донесе успех“, изјави Пешевски.

Веќе за осум дена Пелистер го очекува нов натпревар со истиот противник, но во Унгарија.