Кумановки го добија првиот дуел од двомечот со Славија Прага во ЕХФ Купот
На полувремето резултатот гласеше 15-11, а оваа предност од четири голови избраничките на тренерот Симе Симовска ја одржаа и во вториот дел.
Интернационалката од Грузија, Мадеа Чокели беше најдобра во редовите на нашиот тим и постигна десет голови од 11 удари, а одлична беше и Ангела Јанкуловска со девет голови. Адријана Мисова со седум голови беше најефикасна кај гостинките од Чешка.
Вториот натпревар помеѓу Куманово и Славија Прага се игра веќе утре од 18.30 и тоа повторно во Куманово.