Гурбиндо: Во Вардар не го пронајдов проектот за кој ми зборуваа пред да дојдам!

19 септември 2021 - 15:40

Шпанскиот ракометар Едуардо Гурбиндо се очекуваше да биде големо засилување за Вардар, но за кратко време се скара со раководството на тимот и реши да го напушти македонскиот првак.

Гурбиндо побара трансфер во Динамо Букурешт, а притоа за шпанските медиуми откри што се случило во Скопје.

„Уште не е 100 отсто сигурен трансферот поради некои документи за прекин на соработката, но сите детали се договорени и јас се селам во Букурешт. Тоа што го видов во Скопје не е истото за кое ми зборуваа. Проектот кој ми беше претставен не го пронајдов во Вардар“, вели Гурбиндо.