Ѓер прв го користи распадот на Вардар: Лејно заминува во Унгарија!

Французинката потпишала едногодишен договор со унгарскиот гигант со можност соработката да биде продолжена на уште една сезона.

„Овој клуб ми значи многу, бидејќи е најдобриот клуб во историјата на ракометот. Секој играч сака да има вакви соиграчи. Ова е голема шанса за мене и многу сум среќна што ќе бидам дел од Ѓер“, изјави Лејно на промоцијата.

За Лејно ова ќе биде трет странски клуб надвор од Франција по романска Влчеа и Вардар. Ѓер денеска освен Лејно ги промовираше и Норвежанките Вероника Кристијансен и Кари Братсет.