Германија ја прегази Австрија, Словенија само до реми со Холандија

10 јануари 2021 - 22:07

Во квалификациите за Европското ракометно првенство идната година денеска на програмата беа пет натпревари. Германија по втор пат ја декласираше Австрија и останува со максимален ефект по четири натпревари во Групата 2. 

Откако славеше на гости со девет голови разлика, денеска на свој терен Германија го совлада соседот со 34-20.  Во истата конкуренција БиХ ја победи Естонија со 21-19.

Словенија изненадувачки не успеа да ја совлада Холандија на домашен терен и одигра реми 27-27 во рамки на Групата 5. Исланд со 32-23 ја совлада Португалија во рамки на Групата 4. Летонија со 31-29 триумфираше против Италија во Групата 6.