Еурофарм Пелистер во третиот, Металург во шестиот шешир за ждрепката на ЛЕ

30 септември 2020 - 15:19

Еурофарм Пелистер е во третиот, а Металург во последниот, шести шешир пред утрешната ждрепка за ракометната Eвропска лига, објави ЕХФ.

Ждрепката е закажана за утре во 11 часот во Виена, а според однапред полудиригираното сценарио, нашите претставници не можат да се најдат во иста група.
И битолскиот и тимот од скопската населба Автокоманда ќе одиграат 10 средби во групната фаза, а од секоја група првите четири екипи ќе продолжат во осминафиналето.

Групната фаза треба да почне на  20 октомври.

Шешир 1: Адемар Леон (ШПА), Ним (ФРА), Магдебург (ГЕР), Татабања (УНГ);
Шешир 2: Висла Плоцк (ПОЛ), Динамо Букурешт (РОМ), Кадетен Шафхаузен (ШВА), Алингсас (ШВЕ);
Шешир 3: ЕУРОФАРМ ПЕЛИСТЕР (МКД), Чеховски Медведи (РУС), Татран Прешов (СВК), Бешикташ (ТУР);
Шешир 4: Феникс Тулуз (ФРА), Монпелје (ФРА), Фуксе Берлин (ГЕР), Рајн Некар Лувн (ГЕР);
Шешир 5: Фајферс (АВС), Нексе (ХРВ), ГОГ (ДАН ), Спортинг Лисабон (ПOР);
Шешир 6: МЕТАЛУРГ (МКД), Тримо Требње (СЛО), Кристијанштад (ШВЕ), ЦСКА Москва (РУС);