Вардар издоминира во Охрид и го продолжи налетот по титулата!

Влегоа домашните мотивирани да го запрат Вардар кој е во налет и засега изгледа како сигурно да чекори кон титулата во првенство.

Сепак, на теренот гостите од Скопје беа далеку подобриот ривал и ја имаа контролата над резултаот.

Уште во првиот дел  Вардар дојде до високи плус пет (8-13). Toгаш домаќините ги одиграа вееројатно најдобрите минути во натпреварот и до крајот намалија на еден негатива 13-14.

Но, Вардар во вториот дел одново „додаде гас“ и со неколку кратки серии повторно ги врати тие највисоки „плус пет“ (25-20).

Охрид се обиде да донесе неизвесност во завршницата, меѓутоаа немаа сили за нешто повеќе и успеаја само да го ублажат поразот. Херој на Вардар беше Дмитро Хориха кој уште во првото полувреме постигна шест гола, а средбата ја заврши со осум гола од десет обиди. Зад него следеше Кавада со шест, додека на спротивната страна Стрмљан, Иванковиќ, Крсманчиќ и Ѓукиќ по пет пати ја погодија мрежата.

За Вардар ова е 14 победа во исто толку натпревари од стартот на сезоната и понатаму останува единствениот тим со максимален учинок.

На остатите средби кои се играа денеска, Прилеп беше подобар од Бутел со 30-20, Пелистер 2 го совлада Куманово со 30-28 и Пролет беше подобар на гости од Радовиш со 30-23.