Вардар има нова навивачка химна! (ВИДЕО)

Македонскиот ракометен шампион Вардар од денеска има нова навивачка химна, која е преработка на прекрасниот македонски евергрин „Признавам“ од Маријана и Росана, а е дело на екипа „АСОВИ“ и Александар Митевски и го носи името „Вардаре, не те оставаме“.

Новата химна на „црвено-црните“ беше објавена на Јутјуб, а во неа се пее „Вардаре, не можам без тебе, Вардаре без тебе, и ако денес изгубиме, не те оставаме...“. Во секој случај чујте ја во продолжение.

Да потсетиме, Вардар се наоѓа на чекор до одбрана на шампионската титула, откако на домашен терен славеа против Бутел Скопје со 28-20 во денешниот меч.

Исто така, Вардарци се подготвуваат за Ф4-турнирот во Келн, кадешто ќе се пресметаат во полуфиналето против екипата на Барселона.