Вардар дојде уште еден чекор поблиску до титулата

18 мај 2019 - 13:34

Македонскиот ракометен шампион Вардар се наоѓа на чекор до одбрана на шампионската титула, откако на домашен терен славеа против Бутел Скопје со 28-20.

„Црвено-црните“ повторно изиграа колку што им беше потребно. На полувремето поранешниот европски првак имаше комотни 15-10, а добра вест е што добар дел од ова полувреме одигра повратникот Кристијан Дисингер.

Најдобри стрелци во победничкиот тим беа Кисељов со десет гола и Дисингер со пет голови. На другата страна најдобар беше Давидовиќ кој постигна пет голови. Следен противник за Вардар е Еурофарм Работник со кој ќе се сретне во вторник, додека Бутел е се сретне со Металург на домашен терен. Вардар останува прв на табелата со 21 бод, а Бутел е четврти со шест бодови.

Освојувачот на Купот на Македонија, Металург премногу лесно дојде до победата против градскиот ривал Пролет (41-27). Домаќините цело време го контролираа натпреварот и сосема заслужено стигнаа до победата. Најдобар стрелец кај „пиратите“ беше Шпенде со седум погодоци, а по пет имаа Јагуриновски, Танкоски и Серафимов. Кај поразените се истакна Андоновски кој постигна девет погодоци.