Ако макеоднскиот ракометен шампион Вардар во своите редови има пет руски репрезентативци, прволигашот Бутел донесе руско засилување за вториот дел од сезоната и битката за место во плејофот во ракометната Суперлига, па од денеска нов член е Алексеј Григориев.
Григориев е 36-годишен искусен десен бек, кој во кариерата играл за Мешков Брест, Мотор Запорожје (два клуба кои се дел од Лигата на шампионите), потоа Санкт Петербург, унгарските Балатонфуреди и Мезоковешди, романската Потаиса Турда, израелскиот Макаби Ашдод и турската Селка Ескисехир.
Договорот на Русинот со Бутел е до крајот на сезоната, а Григориев има искуство од настапи во Лигата на шампионите, но и во другите европски купови.
Инаку во Вардар во моментов членови се руските репрезентативци Тимур Дибиров, Данил Шишкарев, Глеб Калараш, Дмитри Кисељев и повредениот Сергеј Горбок.
