Нема договор: Ништо од Ракчевиќ во Металург!
Искусниот црногорски пивот не се договорил со македонскиот вицепрвак, иако цело лето се зборуваше дека преговараат. Деновиве тој бил во Скопје и со сопственикот на клубот, Минчо Јорданов се разбрале дека нема простор за соработка.
„Разговаравме со Јорданов и обострано засклучивме дека можеби е најдобро да не доаѓам. Имаа и тие свои и јас свои причини. Моите се повеќе семејни, ќерка ми почнува школо и сакам да бидам повеќе време со неа. Разговаравме отворено, фер. Се разделивме екстра-коректно“, изјавил Ракчевиќ за порталот „g-sport.mk“.
Ако се земе предвид определбата на новиот тренер, Данило Брестовац, за тим со исклучиво млади ракометари, тогаш јасно е дека нема место за Ракчевиќ, барем не како играч, а очигледно не се договориле и за некоја друга улога.
Металург веќе донесе нов пивот, 20-годишниот Андреј Милиечевиќ, а во тимот ги има и Филип Арсеновски (20) и Милан Лазаревски (21).