Куманово ја одложи титулата за ЖРК Металург
ЖРК Куманово славеше над ЖРК Металург со 25-23 и на тој начин се изедначи со него на чело на табелата на Женската македонска лига со по 34 бода. Згора на тоа, кумановки имаат и подобар меѓусебен скор со ЖРК Металург, па кога првенството би завршило денеска тие би биле шампионки, арно ама сезоната денеска заврши само за нив. Металург има уште еден неодигран натпревар и тоа на домашен терен против Стружанка, в недела.
Со оглед дека Стружанка е четврта во плејоф-фазата, со пет победи од 15 натпревари, Металург е голем фаворит на тој натпревар да освои, барем, бод и со тоа да стане шампион на Македонија првпат по 2012 година, односно по доминацијата на ЖРК Вардар.