Европскиот првак Вардар победнички тргна на тестовите за новата сезона
Вардарци тргнаа победнички и уште од стартот на мечот покажаа дека и сезонава ќе имаат тим за високи дострели, па шест разлика имаа црвено-црните по воведните 30 минути на стартот на овие летни подготовки (18-12) и до крајот таа предност ја задржаа за триумфално да ги почнат контролките пред почетокот на новата сезона.
Тимур Дибиров со девет гола беше најефикасен, четири даде новото засилување Сикошек Пелко, а петмина други погодија по трипати – Дисингер, Арман, Скубе, Шишкарев и Горошпин. Во листата на стрелци се запишаа и Криштопанс и Горбок со по два, Кукуловски, Чупиќ, Толедо дадоа по еден.
Втората контролка на вардарви е вечерва против Леотар, а идниот месец стратува новата сезона во која Вардар ќе ги брани трофеите во СЕХА-лигата и во Лигата на шампионите. Вардар од пред речиси две недели е во Требиње (БиХ), каде ги одработува подготовките за новата сезона.