Серхио Рамос комотно може во „пензија“ - го чека блескава пејачка кариера (ВИДЕО)

24 декември 2023 - 14:08

Легендата на Реал Мадрид и шпанскиот фудбал Серхио Рамос игра фудбал и на 37-годишна возраст, но јасно е дека е многу блиску денот кога ќе ја заврши својата фудбалска кариера.

Тоа и не е толку страшно бидејќи очигледно стоперот на Севиља има и друга страст во животот - пеењето. И во минатото знаел да запее, а сега е дел од една од најпопуларните шпанси групи Лос Јакис со кои го изведе хитот „No me contradigas“ (Не ми противречи).

Песната на Јутјуб е објавена пред два дена, а веќе има над 900 илјади прегледи и е апсолутен хит во Шпанија. Ова не е првпат Рамос да запее бидејќи во 2018 година ја пееше официјална песна на шпанската репрезентација за Светското првенство во Русија, заедно со Демарко Фламенко.