Од корона му падна косата, па ја истетовира - целата глава

01 декември 2020 - 17:40

Голманот на Индепендиенте, Себастијан Соса (34) се најде во фокусот на вниманието откако се појави со комплетно истетовирана глава, со лав на тилот.

Многумина сметаа дека потегот на Соса е тотална лудорија, но зад тоа се крие и еден проблем кој му го направил коронавирусот. Овој голман летоска заболел од ковид-19, ама поради вирусот му паднала косата, па на крај решил да ја истетовира главата.

„Јас бев заразен уште во јули и еден месец потоа мојата коса комплетно падна. Остана ептен малку од косата на главата, па решив да ја избричам и потоа да ја истетовирам. Секогаш ги сакав лавовите и поради тоа сакав да истетовирам еден на задниот дел од главата“, вели Соса.

Тој појаснува дека изборот на лавот е поради тоа што во хороскоп бил лав, а истовремено „кралот на животните“ е симбол на храброст и сила.