Навивачите на Селтик го воодушевија светот со пораката за поддршка на својот играч!

14 декември 2018 - 16:58

Леиг Грифит пред два дена ја шокираше Шкотска, откако објави дека се пензионира од фудбалот на 28 години, после пет сезони во дресот на Селтик, објавувајќи дека има психички проблеми и дека не може повеќе да игра фудбал.

Грифит се повлече од фудбалот, откако за Селтик даде 104 гола на 203 меча, а беше и репрезентативец на Шкотска. Според медиумите во Шкотска, Грифит има проблем со депресија, но и проблем со коцкањето.

„Само сакам да им се заблагодарам на сите во клубот за поддршката, а посебно благодарам на навивачите на Селтик и на другите луѓе кои ми пружаат поддршка“, рече Грифит.

И вчера против Салцбург, навивачите со една парола го воодушевија светот, истакнувајќи ја поддршката за својот фудбалер, кој многупати ги радувал.

„Во ред е да не си во ред. Никогаш нема да биде сам Леиг“, пишуваше на паролата.