Американски голфер во очај: Пожар му ја изгоре до темел вилата од 4,5 милиони долари!

29 март 2020 - 13:58

Американскиот голфер Дејвис Лав остана неповреден, како и неговата сопруга Робин во пожарот, кој до темел ја уништи неговата вила вредна 4,5 милиони долари.

Пламенот се појавил поради засега непотврдена причина, па потоа се проширил и не помогнала ниту брзата реакција на пожарникарите.

„Иако сите во семејството сме тажни поради загубата на домот во кој имавме многу спомени, во исто време сме благословени што сите се добро и не сме повредени“, кажа Лав.

Познатиот голфер во кариерата заработи 45 милиони долари од награди на турнири.