Јувентус скапо ја плати победата, Влаховиќ во солзи го заврши натпреварот

29 ноември 2025 - 22:00

По два нерешени резултати, Јувентус денеска благодарение на Јилдиз славеше победа против Каљари со 2-1, но во редовите на „старата дама“ не можат да бидат комплетно задоволни.

Душан Влаховиќ во 31. минута беше заменет поради повреда која според првичните информации не е наивна.

Италијанскиот новинар, Ди Натале тврди дека Влаховиќ има проблем со мускулот, а дури и да се работи само за истегнување ќе мора да паузира до три недели, па така би се вратил во последните денови од годината.

Од друга страна доколку станува збор за кинење на мускулот тогаш паузата би била и неколку месеци. Повеќе детали за неговата состојба би требало да бидат објавени по деталните прегледи.