Вардар гази сè пред себе, но вечер го чека пекол во Охрид

29 ноември 2025 - 15:25

Поранешниот македонски и европски шампион Вардар вечерва од 19.30 часот ќе гостува кај Охрид во еден од најважните натпревари во ракометната Суперлига, која може да влијае на трката за пехарот.

Вардар оваа сезона запиша дури 13 победи и се наоѓа на првото место со 26 бодови, додека Охрид во изминатиот период влезе во одличен ритам и се наоѓа на третата позиција со 21 поен.

Овие екипи веќе еднаш се соочија оваа сезона, и тоа на стартот кога Охрид даде голем отпор против „црвено-црните“ во Скопје, но загуби со само два гола негатива (31-33).

„Гладијаторите“ вечерва очекуваат голема поддршка и од публиката, односно се очекува да биде исполнета салата „Билјанини Извори“.

Вардар е прв со 26 бодови, Пелистер е втор со 23 поени, додека Охрид се наоѓа на третата позиција со 21 бод.