Брегалница ја демолира Победа, Шкендија Арачиново подобра од Каменица Саса

Фудбалерите на Брегалница беа убедливи на гостувањето кај Победа и триумфираа со 4-0, додека Шкендија Арачиново им се врати на победите откако ја надигра Каменица Саса со 2-0.

Мрежите на стадионот во Прилеп мируваа до 22. минута, кога Брегалница го зададе првиот удар. Десетина минути подоцна гостите од Штип го постигнаа и вториот гол за предност од 2-0.

Победа имаше неколку шанси во вториот дел, но не успеа да постигне гол, па во 75. минута стигна казната и Брегалница погоди за 3-0, додека во самата завршница падна и четвртиот гол.

Каменица Саса успешно се бранеше од нападите на Шкендија Арачиново до 27. минута кога Амир Нухија го лобуваше голманот на гостите за предност од 1-0. 

Вториот гол за скопската екипа го постигна Фикрет Ливарека со прекрасен удар во 55. минута, со што ја потврди победата на неговиот тим.

Standings provided by Sofascore