Голема победа за Тиквеш: Кавадарчани ја „изрешетаа“ Брера

29 ноември 2025 - 14:52

Фудбалерите на Тиквеш остварија голема победа на гостувањето кај Брера Струмица (4-0) во 15. коло од Првата македонска фудбалска лига (ПМФЛ).

На екипата од Кавадарци не ѝ требаше премногу време да го постигне првиот гол на мечот, откако во 14. минута Иван Ивановски ја затресе мрежата на струмичани.

Тиквеш зададе нов удар 20 минути подоцна, и тоа преку Мартин Стојанов, кој ја зголеми предноста на кавадарчани на 2-0.

Стојанов беше стрелец и на третиот погодок за Тиквеш во 77. минута, додека во втората минута од судиското надополнување Ѓоко Спасов ги постави конечните 4-0.

Standings provided by Sofascore