Непотизам нема само во Македонија: Ван Перси нападнат зашто го внесе синот да дебитира!

Одлуката да го внесе младиот напаѓач во последните десет минути, во момент кога тимот бркаше резултат, предизвика бројни реакции во јавноста. Поразот ја продлабочи кризата кај холандскиот гигант, кој има пет порази на последните шест натпревари. По натпреварот, Ван Перси се соочи со прашања околу слабата форма на тимот, но и за тоа зошто токму во клучни моменти му дал шанса на својот син. Поранешниот голгетер на Арсенал и Манчестер јунајтед рече дека мотивите биле исклучиво професионални.

„Одлуката ја донесов како тренер, а не како татко. Ни требаше гол. Шакил е играч кој може да погоди од сите позиции – затоа и го внесов. Од перспектива на родител, дебито на сопствениот син е секогаш посебен момент, но немав време да уживам во тоа. Работев како тренер, исто како што и Шакил си ја вршеше својата задача“, изјави Ван Перси.

Младиот напаѓач, сепак, не успеа да донесе промена. Веќе по една минута од неговиот влез, Селтик постигна трет гол, кој ги реши сите дилеми. За време на краткиот настап, Шакил не упати ниту еден удар кон голот, иако доби три воздушни дуели.

Шакил е роден во Лондон и ги помина младинските академии на Манчестер Сити и Фенербахче, пред да се пресели во Феенорд во 2017 година. Тој настапуваше и за младите селекции на холандската репрезентација.