Клоп си најде нов ангажман, но ќе работи само пет недели!

14 ноември 2025 - 12:25

Јирген Клоп имаше успешна тренерска кариера во која освои голем број пехари, по што реши да се занимава со друга функција во светот на фудбалот, а тоа е шеф на фудбалски операции во Ред Бул.

Германецот, сепак, си најде нов ангажман во меѓувреме и ќе биде стручен аналитичар за платформата „МагентаТВ“ за Светското првенство (СП) во 2026 година.

Клоп ќе работи како стручен аналитичар за време на Мундијалот, и тоа од 11 јуни до 19 јули следната година, по што ќе му заврши ангажманот.

Во кариерата веќе работеше како тренер на Мајнц, Борусија Дортмунд и Ливерпул.

Фото: Liverpool FC/X