Чурлинов: За нас не постои пријателски меч, одиме на победа против Летонија!

12 ноември 2025 - 11:17

Македонскиот репрезентаитвец Дарко Чурлинов кажа дека нема да се опуштат против Летонија, иако станува збор само за пријателски натпревар, затоа што целта е да се оствари триумф на секој натпревар.

Чурлинов посочи дека е најважно да го испочитуваат договореното и плановите на селекторот Благоја Милевски на теренот, а на крајот да дојдат до победата.

„За нас не постои пријателски натпревар, секој следен меч за Македонија е приоритет, атмосферата е супер, имаме шанса благодарение на селекторот да ја претставуваме Македонија на ова ниво. Се надевам дека договореното ќе го покажеме на теренот. Најважно е да влеземе како треба против Летонија, секоја победа носи самодоверба и важно е да се триумфира“, кажа Чурлинов.

Натпреварот меѓу Македонија и Летонија се игра в четврток од 18 часот.