Пик Сегед гостува во Битола: Пелистер ќе се обиде да ја прекине црната серија!

Битолчани во моментов се наоѓаат во катастрофална серија од пет порази по ред во елитното натпреварување и тоа ќе се обидат да го променат денеска против Пик Сегед, кој оствари три триумфи по шест кола.

Овие две екипи последен пат се сретнаа во ЛШ во 2023 година, а тогаш Пик Сегед оствари минимална победа од 28-27, но сега „зелено-белите“ ќе направат сè што можат за да се реваншираат.

Пелистер е на претпоследната позиција со два освоени бодови, додека Пик Сегед е четврти со шест поени по шест одиграни натпревари во елитното натпреварување на ЕХФ.

Натпреварот меѓу Пелистер и Пик Сегед се игра вечерва од 20.45 часот во салата „Боро Чурлевски“ во Битола.