Повеќе од два часа му требаа на Синер да го „скрши“ Серундоло

Иако победи без загубен сет, далеку од тоа дека денешниот меч беше лесен за италијанскиот тенисер. Мечот траеше 2 часа и 17 минути, а Серундоло не се предаде ниту кога во вториот сет имаше два брејка негатива. При водство на 5-2 на Синер во вториот сет, Аргентинецот спаси две меч-топки, а домашниот тенисер ја искористи дури четвртата можност за триумф на овој натпревар.

Синер во моментов е во серија од 24 победи, оваа сезона има 10-0, а пласманот во четвртфиналето е 15. на Мастерс турнирите во неговата кариера. Таму ќе се сретне со подобриот од дуелот меѓу Мунар од Шпанија и Руд од Норвешка.