Бивш светски шампион има луда теорија: Погба му фрли магија на Мбапе!

29 ноември 2024 - 14:10

Францускиот напаѓач Килијан Мбапе пристигна како големо засилување во Реал Мадрид, но досега не покажа ништо посебно на теренот и поради тоа добива жестоки критики од медиумите, но и навивачите на шпанскиот гигант.

Поранешниот фудбалер на Арсенал и светски шампион, Емануел Пети има теорија поради која Мбапе игра лошо во „кралскиот дрес“.

„Ако сакате може да верувате, ако не сакате – не мора. Јас верувам дека некој му фрлил магија на Мбапе. Можеби тоа е Погба“, кажа Пети.

Пети со овој коментар потсети на судскиот спор меѓу браќата Пол и Матиас Погба. Поранешниот напаѓач на Спарта Ротердам беше обвинет дека му платил волшебник да му фрли магија на Мбапе.