Трет пораз за битолчани во ЛШ: Пелистер загуби и на гостувањето во Букурешт
Во првите 10 минути се играше израмнет ракомет (5-5), по што Динамо Букурешт со мини-серија од 3-0 стигна до 8-5. Пелистер веднаш се обиде да возврати и намали на 9-11, но потоа следеше лош период на битолчани, а Динамо го искористи тоа за да поведе со 19-13.
Динамо Букурешт играше одлично и во вториот дел, а по првите 10 минути стигна и до 26-16, по што стана јасно дека Пелистер ќе запише уште еден пораз во елитното натпреварување (25-34).
Миклос Роста го заврши натпреварот со седум погодоци за Динамо, додека Филип Кузмановски постигна девет гола за Пелистер.
На останатите натпревари Фредериција загуби од Фуксе Берлин со 32-38, додека Пик Сегед го совлада Нант со 33-32.