Војдан: Штета што не победивме, но горд сум како гиневме во дресот на Македонија!

04 јули 2022 - 20:34

Повратникот во репрезентацијата по подолгата пауза поради повреда, Војдан Стојановски, одигра одлично во вечерашниот дуел против Украина, кој, за жал, заврши со победа на гостинскиот тим (73-68), со што не закова на дното од групата во првата квалификациска фаза за СП 2023 со шест „нули“ по ред.

Кошаркарот на МЗТ Скопје средбата ја заврши со 15 поени, а по мечот изрази задоволство од начинот на кој неговите соиграчи се бореле во дресот на националниот тим.

„Лошо почнавме, примивме 35 поени во првата четвртина. Потоа се вративме и покажавме карактер дури и кога губевме со двоцифрена разлика. Бевме блиску до победата, но не успеавме – таков е спорт. Секоја чест на момците, горд сум на тоа што го прикажаа, за начинот на кој се бореа. Таквото гинење е единствениот начин на кој се игра кога се носи репрезентативниот дрес“, изјави капитенот на Македонија.

Жолто-црвените со ова се враќаат во европската Втора лига и ќе играат претквалификации за ЕП 2025, кои почнуваат кон крајот на следниот месец.