Уште еден преживеан пуч: Петар Наумоски останува претседател на МКФ!

Петар Наумоски и во иднина ќе ја предводи македонската кошарка, решија членовите на Собранието на МКФ на денешниот вонреден собир на највисокиот орган во овој спорт кај нас.

Популарниот Пеце уште еднаш успеа да ги надмудри тие што изминатиов период ја бараа неговата оставка. Тоа значи мирна работа најмалку во следните шест месеци, во кои никој нема да може да покрене иницијатива за негова смена.

Гласањето беше тесно, односно поранешната играчка легенда доби 16 гласа од вкупно 30 членови на Собранието.
Претходно, брзо се поминаа останатите точки на дневниот ред како што беа усвојувањата на извештаите од претходната година, по што Наумоски им се заблагодари на клубовите за довербата.

Оваа одлука донесе огромно разочарување кај Владо Илиевски, кој скоро два месеци работеше на терен во обид да дојде до потребните гласови, но залудно.