ФИБА потврди: Македонија останува домаќин на кадетскиот Евробаскет!
Ова првенство требаше годинава да биде одржано во Скопје, но поради пандемијата со коронавирусот беа одложени сите настани во организација на ФИБА. Веќе е познат и терминот на одржување на овој Евробаскет и тоа во периодот помеѓу 13 и 21 август 20201 година.
Во исто време, потврдени се и градовите каде што ќе се натпреваруваат уште четири наши национални селекции. Машката младинска репрезентација ќе се натпреварува на ЕП од Дивизијата „Б“ кое од 16.до 25.јули ќе се одржи во Тбилиси (Грузија). Селекцијата „под 18“ години ќе игра на ЕП од Дивизијата „Б“, кое од 30.јули до 8.август ќе биде организирано во романската Орадеа.
Во женска конкуренција, КФМ, пак, пријави две селекции.
Националниот тим за кошаркарски до 18 години е пријавена за настап на ЕП од Дивизијата „Б“ кое од 23.јули до 1.август ќе се одржи во Оберварт и Гусинг (Австрија), додека две години помладите кошаркарки, оние до 16. години, ќе играат на ЕП од Дивизијата „Б“ кое е предвидено да се реализира во периодот од 5. до 14. август во Сараево (БиХ).