Стеф Кари погоди за победа со сирената, историја зачинета со пораз за Јокиќ (ВИДЕО)
Извонредниот бек на „вориорси“ ја презеде одговорноста во последниот напад и со звукот на сирената погоди за голема радост на соиграчите и навивачите. Составот од Оукленд доминираше во речиси целиот меч, но дозволи еден од најлошите тимови во НБА во финишот дури и да им го загрози триумфот. Но, шутерската машина на Г. Стејт не го дозволи тоа, завршувајќи ја средбата со 22 поени и 12 асистенции. Вуд со 19 поени и 15 скока беше најпрецизен кај „ракетите“.
Никола Јокиќ, пак, кој знае по кој пат влезе во историјата на Денвер нагетс, но и покрај тоа без насмевка на лицето го напушти паркетот со оглед на поразот на неговиот тим во дуелот со Шарлот хорнетс (118-122). Србинот средбата ја заврши со 26 поени, 11 скока и 12 асистенции, со што стана прв кошаркар на „грумењата“ кој остварил трипл-дабл на четири средби по ред. Неговата партија, сепак, ќе остане во сенка на блескавото издание на Џа Морант на спротивната страна, кој постигна 38 поени со по шест асистенции и скока.
Двоен ефект во три статистички категории имаа и Џејмс Харден и Дејонте Мареј на мечот меѓу Сан Антонио спарс и Бруклин нетс (102-117), во кој популарната Брада имаше учинок од 37 поени, 11 асистенции и 10 скока. На спротивната страна, Мареј уфрли 25 поени со 12 скока и 10 асистенции. По педесетката завчера против Орландо меџик, ново шоу приреди и Џоел Ембид со 40 поени во поразот на Филаделфија севентисиксерс против Лос Анџелес Клиперс (101-102).
РЕЗУЛТАТИ: Шарлот – Оклахома 121-98, Орландо – Л.А. Лејкерс 105-116, Филаделфија – Л.А. Клиперс 101-102, Атланта – Мајами 110-108, Бостон – Портланд 105-109, Милвоки – Чикаго 94-90, Вашингтон – Торонто 105-109, Сан Антонио – Бруклин 102-117, Денвер – Мемфис 118-122, Јута – Детроит 111-101, Голден стејт – Хјустон 105-103.