Словенецот уште еднаш го уништи Далас – желбата за освета не му се намалува (ВИДЕО)

Покрај словенечкиот ас, значаен придонес за Лејкерс даде Остин Ривс со 38 поени и осум скокови, додека Леброн Џејмс мечот го заврши со 13 поени. Кај Маверикс најдобри беа Вашингтон со 22 поени и девет скокови и Нембард со 17 поени. Победата претставува уште еден чекор во осветата на Дончиќ кон неговиот поранешен клуб, а Лејкерси добиваат нова можност да атакуваат на трофејот во НБА купот.

Со овој триумф тие се искачија на второто место на Западот со скор 14-4, веднаш зад водечката Оклахома, која триумфираше против Феникс (123-119), предводена од 37-те поени и осумте асистенции на Шеј Гилџес-Александер. Во четвртфиналето на НБА купот ќе се сретнат Орландо против Мајами и Торонто против Њујорк на Истокот, односно Оклахома против Феникс и ЛА Лејкерс против Сан Антонио на Западот.

РЕЗУЛТАТИ: Атланта – Кливленд 130-123, Бруклин – Филаделфија 103-115, Шарлот – Чикаго 123-116, Детроит – Орландо 109-112, Индијана – Вашингтон 119-86, Њујорк – Милвоки 118-109, Денвер – Сан Антонио 136-139, Оклахома – Феникс 123-119, Јута – Сакраменто 128-119, ЛА Лејкерс – Далас 129-119, ЛА Клиперс – Мемфис 107-112.

ФОТО: X / @Lakers